١
الله أكبر على وقتي وتنكيدةماصفا ساعة ٍ أرتاح في رقادي
٢
ضيقة ٍ جددت بالفكر تعقيدةوالمواجع تزوّد جسمي اجهادي
٣
أنهك القلب هم ٍ طال تخليدهوتصبّر وأشوف الصبر مافادي
٤
حالي اللي كسرني زاد تكبيدهبالخساير وصارت شيئ معتادي
٥
بأول الأمر أنا ماخذت تهديدهيوم لمّح لي بهجران وعنادي
٦
منوة الروح قلبي ليته ايعيدهكيف يرضى يصادر مني فوادي
٧
كان يرضيه سلب القلب وتجريدهشوق حب ٍ لشوفه صار وقادي
٨
منهو اللي يقدم قلبه بيدهفدوة اللي له الخفاّق منقادي
٩
وش يفيده عذابي يومه ايزيدهدام يسمع لصوتي له وأنا أنادي
١٠
ظني اللي خذلني فيه تأييدهوتذمر وخوفي صار يزدادي
١١
نشدوا عاذلي وش هي مقاصيدهيوم حرّمت أنا شربي مع الزادي
١٢
قلت أبا اهنيّ المحبوب في عيدهيمكن العيد هذا غير الأعيادي
١٣
جبت فخ الهوى من شأن با أصيدهصرت انا اللي بفخ الريم منصادي
١٤
به حلا ً لو بغيت أشرع بتعديدهما هقيت إنها توفيه الأعدادي
١٥
و ماثناني عن أوصافه وتفنيدهلا خوفي تصيبه عين حسادي
١٦
له ثليل ٍ على الأمتان تجعيدهوالعطر دهن عود ونفحة الكادي
١٧
منتهض بأسفل الحيزوم تخديدهفيه شارات من بلوّن منطادي
١٨
والعنب مستميل ٍ في عناقيدهمن عروش ٍ زمت في روس الأنهادي
١٩
والشفايف تزيد الوضع تصعيدهرسمة الخط الأحمر لونها هادي
٢٠
ن تكلمّ سبى عقلي بتغريدهوإن تبسّم أسرني غاية مرادي
٢١
لملهم الطير تسبيحه وتحميدهرافع ٍ فوق خلقه سبع ٍ شدادي
٢٢
بأشتكي من ظلم خليّ بتعويدهكلما اسعى لقربه زاد في بعادي
المس أي بيت لتحديده، ثم شاركه كصورة أو انسخه.