١
هلا ًبالريم يوم أقبل يسابق ظلّه بممشاهتعثر بالخطى خايف وهوفي منطقة مرماي
٢
هلاوالشوق له حيّاه من مسراه لى ملفاهكما شوق الزروع اللي هجرها الماء من السّقاي
٣
عيونه ترمش المعنى وقلبي بلحظها يقراهلى جت عينه بعيني تترجم قصدي ومعناي
٤
طرّي العود رعبوب ٍ جماله والحسن أطغاهولحظ الموت بالنظرة متى ماطالعت بأغضاي
٥
متى ما ابحرت بعيونه أغوص بعمقها وألقاهبعيد ٍ مايوصّلني قرارة هاجسي ومناي
٦
أشوف البسمة ويعجز لساني وصفها بشفاهوتخون الذاكرة فكري وأحمّل غلطتي دنياي
٧
وترى الأيام حبلى والليالي تنولد أشباهتصاريف الدهر والضيم حدّتني على أقصاي
٨
على صفحة جبينه ينعكس نورالقمر بضياهينوّرلي ظلام الفكر لحظة يبتدي مسراي
٩
سريت بهاجسي لأجله توغّلت بمحيط حماهأروّض مهرة أفكاره تعود لموطني وحماي
١٠
أسافر مع خيال الشوق سابح في بحور رضاهأجدّف بالغلا مركب هواه ويرسي بمرساي
١١
ذا خذت القلم كل القوافي من يدي تخشاهتقول السمع والطاعة وفيما قلت هذا امضاي
١٢
أعسف القاف والمعنى بكيفي مره وأنهاهأطوّع نايفات القيل وهذا في الشعر مبداي
١٣
أنا لفّيت بحر القاف من أقصاه ألين أدناهمعاني تحتضرمغتالها شخص ٍ سفيه الراي
١٤
وأنا مالي مرام ٍ كان فكره مبعد بمغزاهولا لي في الهجاء لا ن بلاني شاعر ٍ خطاّي
١٥
كماعد ٍ قراح ٍ ماورد ماه الدلو ورشاهمتى مافاض جمّي ترتوي شهب القفاربماي
١٦
وعرضي ماتدنس يوم كل ٍ هاجسه أغواهحفظت النفس عن عوج الدروب بفعلي بيمناي
١٧
أعرف الرجل بأفعاله تدسمّ شاربه يمناهودرب ٍ يوصل المنقود عن مشيه تشوم خطاي
١٨
ورثته عن رجال ٍ درّسوني العلم من مبداهوطابت سيرتي من طيب أبوي وجدي ومجناي
١٩
ومن يشري رضاي بدين نقد ٍ شتريت رضاهفداه اللش دامه ماتغالا في العمر مشراي
٢٠
عزيز ٍ ما أصاحب غير من مثلي عزيز الجاهيثمّن طاعة الله والردى ماهوب به مشّاي
المس أي بيت لتحديده، ثم شاركه كصورة أو انسخه.