١
ضاع الوفاء والهجر في القلب ينساقوالحال من طول المفارق طريحة
٢
سهران اسامر ساري النجم براقبين الكواكب في سمانا الفسيحة
٣
حبي وشوقي له عهود ٍ وميثاقما اطيع شور اللي يقول النصيحة
٤
حب ٍ دفنته في ضميري بالأعماقخلف الضلوع وتحت قلبي ضريحه
٥
لوتختلف في صاحبي كل الأذواقذوقي أنا ثابت ولا احد ٍ يزيحه
٦
ياعاذلي قلبي من الحب ما فاقهايم بشوق اللي عيونه مليحة
٧
خلاّ فؤادي في الحشا منه خفاّقهنيكم ياأهل القلوب المريحة
٨
نار ا لغلا في مهجتي تحرق حراقوكم قلتها له في عبارة صريحة
٩
مّا يجي يطفي لهيبي والأشواقولاّ يروح وجعل ربي يبيحه
المس أي بيت لتحديده، ثم شاركه كصورة أو انسخه.