١
لا وا على بالطيف يا دار الاحبابمن زورةٍ تبري عزا روح واله
٢
هايف حشا قلبه بنار الهوى ذابما انساح من فرقا المحبّين باله
٣
شفقٍ وجيع الكبد بالجنح ما طاب- من فقدهم - صافي لذيذ الكرى له
٤
هطّال ما.. موقه على الخد سكّابمن هجر غطروفٍ برى الشوق حاله
٥
عذري الهوى لو صاح داعيه ما جابخلّي بربع الدار محدٍ يساله
٦
كنّه قريصٍ ناهشه بالقدم دابحضفٍ ربا في ظلّ ضاحي رماله
٧
يبكي بعبرة مولعٍ بالهوى شاببصباه من حملٍ دهاه احتماله
٨
خلّي من الوجلا على لام الاصحابتصفق من الفرقا يمينه شماله
٩
ويعوي من الفرقا كما ذيب مرقابمن الوجد حتى لان صمّ الصفا ... له
١٠
قلبه خلاف الولف أمسى بدولابفكرٍ جلب طاريه صرف النيا ... له
١١
يلوب من سود الليالي كما لابعودٍ كبيرٍ ذاق لوعة عياله
١٢
ما لي بربع الدار بالعون نبّابأو حاذقٍ يشفي بردّ الرسالة
١٣
من فوق مرقالٍ من العوص مرعاببكراً يشوق العين سرع انجداله
١٤
حرٍّ لطول مصحصح البيد نهّابيدني من الزيزا ضحاضيح لاله
١٥
كنّه إلى استنّ الخطا زول نشّابفي كفّ غطروفٍ من القوس شاله
١٦
والاّ ... سماويٍّ على الصيد وثّابأو بوم بحّارٍ هوا الريح شاله
١٧
فوقه فتى ما ملّ كوره، ولا هاببالدوّ ... خرّيتٍ بمظلم ليالة
١٨
ينجر بمنطوقٍ إلى راح مهذاببالعلم طارش مولعٍ.. طاب فاله
١٩
مني لدارٍ رحت عنها بلا اسبابعزّي لمن بالحال قلّت حياله
٢٠
بازكى سلامٍ عدّ ما طار جلبابمن واضحٍ بالدار فكري عنا له
٢١
بالوجد منها لاهبٍ بالحشا ذابفان سايلك عني خليلي، فسأله:
٢٢
عن بارقٍ بين المشاريف شبّابيوضي بربع الدار مالي وماله
٢٣
شرقٍ عن النجم اليماني إلى غابغربي عن الضاحي. جنوب الغزالة
٢٤
خلته، وانا بين الردايف والاطنابوانهلّ من مطروف طرفي زلاله
٢٥
على خليلٍ قاد قلبي بكلاّبيشبه من اطفال الجوازي جلاله
٢٦
عبثٍ، بسود عيونه السحر لعّابياخذ قلوب اهل الهوى بالختالة
٢٧
شفّه معانق بالهوى كلّ معجاببيته يجفّل من مراعى ظلاله
٢٨
صافي البها يزري بتلعات الارقاببالزين، وان طار الهوا عن هلاله
٢٩
طفلٍ سهم طرفه للارواح معطابيا عوق روحي من مفارق خياله
٣٠
له عين وكريٍّ شقا كلّ طلابيسبي معاليق الحشا بانعزاله
٣١
مرباه قصرٍ نايفٍ من ورا بابمستصعبٍ مرقاه. عسرٍ مناله
٣٢
لولا الحيا زرته، وعلّقت الاسبابعليه، واوريته بحالي فعاله
٣٣
غيّاف غريافٍ للالباب سلاّبطفلٍ يشوق العين واضح جماله
٣٤
أمسيت من فقده كما عود محرابعن شرّد الغزلان قصرت حباله
٣٥
لو هو ينادي صاحبي ترف الاشبابجرّيت في جنح الظلام العوا.. له
٣٦
لاشكّ ندرا بالهوى قول سبّابيشرف على مضمون حالي وحاله
٣٧
كم عين حيٍّ من هوى بيض الانيابيبكي من الفرقا، ولا ينبكى له
٣٨
حرّم على سمر العكاريش من خابباوّل صباه من الثنا والشكالة
٣٩
ما لوم مثلي بالهوى مولعٍ شابلو ناح بالشكوى على ما جرى له
٤٠
ما لي من اشكي له حذا رب الاريابيدني بعيد الشمل عقب ارتحاله
٤١
وصلاة ربي عدّ: ما بان أو غابنجمٍ، و ما غيثٍ تتابع خياله
٤٢
على النبيّ محمدٍ هو والاصحابنبيّنا اللي خصّ بازكى رسالة
المس أي بيت لتحديده، ثم شاركه كصورة أو انسخه.