١
الليل يدني للمشقّى هيامهوالدرك عيّى يسمع الدبك واللوم
٢
أرعى النجيب اللي براسه عزامهيوم اعتلاه الضيق دنخر عن الزوم
٣
ياما يزين الحظّ: خطو الفدامةوياما يدغثر غابن الحظّ: شغموم
٤
لومي على بيتٍ بني في عدامةنبه العمَد كالضلع. ينشاف من يوم
٥
بيتٍ على «الكوبة» بني، والملامةحرّم على من جاه ما يفطر الصوم
٦
بما يشوف الضيف فيه الملامةمنّي عليه اللوم ما دمت، والشوم
٧
جيته مخيف مهلهلٍ بالسلامةواثر... ذلولي: صالّتني على القوم!
٨
مثل الهبيل.. او مثل ولد النعامةاللي لها يتلي على غير مطعوم
٩
عنه التجي في ضفّ راعي الجهامةراعي البويضا مرخص العمر بالسوم
١٠
كنّه ضحى يوم المدافع يمامهنجمٍ على مسترق السمع مرجوم
١١
بما زلّ طفلٍ قبل يلبس عمامةبنيت له بيضا على نايف خشوم
١٢
لو امدحه عمري ليوم القيامةما جبت معشار الذي فيه مرسوم
١٣
يا من لوى ملوي وظيفة عمامهوانحى الوليد، وشيّب الضيف محشوم
المس أي بيت لتحديده، ثم شاركه كصورة أو انسخه.