١
يا الله تجعل كل دربي سماحيبهداك تامرني على اللي به اصلاح
٢
خليت من شفي بخفضة جناحيمن يوم شفت الشيب في عارضي لاح
٣
ياليت يمحا لابيض الشيب ماحيويرد وقت فات بالغي سباح
٤
وليت الهوى للي يريده مباحيوالعصر الأول ينثني عقب ماراح
٥
وعن المراجل ما تقل المشاحيخص به اللي للمواجيب نطاح
٦
إلى توسع خاطري واستراحياخذت لي مع طورق الغي مسراح
٧
أسرح ولا ادري وين هوبه مراحيواخذ بليلي قدم فلاق الاصباح
٨
مشعوف واذاري هبوب الرياحيوحمل الهوى مافلك عني ولا طاح
٩
لما دعا حالي كما العود ماحيفضلة حديد استاد مبرد ومصفاح
١٠
إلى ذكرت اللي حديثه ذباحيوغر يوريني عسلهن وهو شاح
١١
واللبه اللي مثل بيض المداحيأسهر وكن ابناظر العين ذرناح
١٢
انا عليل الجوف لو قيل صاحيعضيض غلث وشاف له بارق لاح
١٣
يا ذابح المسلم بلينا سلاحيلا تستبيحه قبل نزاع الارواح
١٤
خله يشوف ابصدرك الانشراحيقلبه عليك امن الاغاليل ينساح
١٥
قيل الفراق اللي شرابه ملاحيومحب ما يسمع حبيبه ولو ناح
المس أي بيت لتحديده، ثم شاركه كصورة أو انسخه.