١
يا ذعار أنا قلبي هذا اليوم حولهمن العام ينقص ما بقي إلا قليله
٢
مثل الشعيب اللي تقافت محولهمسن جنابه يابس حنظليله
٣
ربيع قلبي جيّة البدو حولهوتقيرب المقطان واحبني له
٤
والسوق يعجبني إلى شفت ضولهمثل النظيم المختلف عن مثيله
٥
ذولا لهم حاجه وذولا بدولهيلهون راعي الوارده عن قبيله
٦
وش خانة المقطان في كل جولهحز الربيع إلى تزايد نزيله
٧
ربيعهم قول العسوس ارحلوا لهعشب جديد ولا بعد جف سيله
٨
والصبح سمحين الوجيه احقلولهوعط السلف واستجنبوا كل اصيله
٩
وكل لاهل بيته ينوّخ ذلولهونوّخ خفيف الزمل واقبل ثقيله
١٠
والبيت يبنى فارقه كبر زولهلابد شراب الحشايش يجي له
١١
في روضة صكت عليها نزولهوالفقع قدم البيت ما ينعني له
١٢
تلوة نهار وكلهم سيروا لهوالخيل من تاعى لها ترعوي له
١٣
ما قيل يا راعي الحصان اقهروا لهباطرته النعمه مديم صهيله
١٤
وباغ إلى ما وقف العلم طولهوتناقضت بين العميل وعميله
١٥
نبه على اطراف العرب واجمعوا لهنمرا تصهرج مثل نو الرفيله
١٦
والسبر روح وردها في حلولهودرهم عليه الشيخ واشتال شيله
١٧
وشافوا عياله يوم هم قربوا لهصفراً تكف الخيل عن كل عيله
١٨
قالوا مطالع قال الآخر يقولهوتعايلت قدام يومي شليله
١٩
وفاضوا على طرش وساع خلولهمن دنة الغاره تزايد جفيله
٢٠
حووا ودووا باوله وقهروا لهما عنده الا من يحلب بصميله
٢١
يوم اوسعوا لحق الطلب وارجحوا لهكل ابلج ياخذ عليهم دبيله
٢٢
كم مايق برماحهم سبقولهمطغيته الدنيا يحسبه طويله
٢٣
وهود وعود كاثرات عذولهكل بقلبه واهج من غليله
٢٤
يمشون مشي اللي ثقال حمولهزمل من الوزمه رخي لكيله
٢٥
يتلون شيخ ماضيات فعولهيسري وغب سراه ما يندري له
المس أي بيت لتحديده، ثم شاركه كصورة أو انسخه.