١
حل الفراق وحن رايم لمريوموقوى الفراق اللي كبار دفوفه
٢
امسيت أنا عيني حريب لها النومكن الاداوي بالنظير امحذوفه
٣
أبكي بكا ورع عن الديد مفطومعاجاه غير امه وكثرت صدوفه
٤
غديت مثل اللي بمسراه منجوممني معاليق الضمير امخطوفه
٥
ونفسي غدت لاهيب من ولاسوموجسمي نحل كن السعاير بجوفه
٦
والقلب جار له سواميح وهمومومن القراده كل طاري يلوفه
٧
على الذي جاني امنه رد وعلومشره علي اللي جميل وصوفه
٨
وله الشره لو كان ماجيت مثلوماصبر على عجفاه لأجل معروفه
٩
لو بين الغيظه فانا عنه ماشوملين اتعذر منه واجلي الحسوفه
١٠
حق على رادع شفاياه برقوميروف بي وانا بحال المروفه
١١
وحقه علي الى هرجت أبعد الحوماغضي ولا كني مع الناس اشوفه
١٢
انا الذي ياما تمناه من يوموهو الذي نفسه لغيري عيوفه
١٣
إن مت قبله قال لي زيد مرحوموان مات قبلي ما الحياة مخلوفه
١٤
كن اللوالي بين اشافيه منظومأو ضيق ويل امحلتم في قنوفه
١٥
والعين عين اللي على راس ملمومما جيب له من كل نسر علوفه
١٦
حرش المناكب لا برق الريش صيرومحر ملك موت الحبارى كفوفه
١٧
أبو نهيد في حشى الصدر مزمومبيض الحمام اللي رفاع قيوفه
١٨
هافي حشى كنه عن الزاد محروموالثوب يشكي مانبا من ردوفه
١٩
والزين في مقرن حجاجيه مرشومرشمة مهر شيخ شبع في مضوفه
٢٠
يا جاعل موت المخاليق محتومقرب مداهيل العنود الهنوفه
المس أي بيت لتحديده، ثم شاركه كصورة أو انسخه.