١
مدري الشوق صادق يوم داعب غلاكمدري نه أمل يكذب مع العاطفة
٢
مدري طول النوى والبعد زوّد قساكمدري أطباعنا في الحب متخالفة
٣
مدري ألحق بقايا مابقى من هواكمدري ن الظروف بدربنا واقفه
٤
مدري النور نور الكون ولاضياكمدري الشمس من نورك بدت كاسفه
٥
مدري الذوق هذا ناتج ٍ من حلاكمدري نه ثقل ولا أنتي وش شايفه
٦
مدري أسبح مع التيار وأمشي معاكمدري أقاوم أمواج الغلا الجارفه
٧
مدري أستسلم لحبك وأساير رضاكمدري أحارب أوهام الجفا العاصفة
٨
أدري تحلّق أفكاري بواسع فضاكوأدري أسابق أحلام الهوى الزايفه
٩
أدري نك شقا قلب ٍ تعذبّ وجاكوأدري نك سبايب حالي الناحفه
١٠
أدري نك ملكتي القلب والله عطاكوأدري نك عزيزة شيمتك نايفه
١١
أدري نك على خبري عساني فداكوأدري نك تعيشين الهوى وعارفه
١٢
أدري نك شتاي ومستجير بدفاكوأدري نك ربيع أشجاري الوارفه
١٣
أدري ني أموت لبسمة ٍ من شفاكوأدري ني أذوب بنظرة ٍ خاطفه
١٤
أدري ني أعسف القاف لك ياملاكوأدري الشعر بحر ٍ له يدي غارفه
١٥
أدري ني حكاية حب عشت بخفاكوأدري ني أماني عمرك الهادفه
١٦
أدري ني عليل ٍ مرتمي في حماكوادري ني رهين الدمعة الذارفه
١٧
أدري ني صويب ٍ ماحصلي دواكوأدري ني أسير جروحك النازفه
١٨
أدري ني قتيل ٍ في مجاهل فناكوأدري السهم ماأخطى وأنتي الحاذفه
١٩
أدري ني خسرت العمر كله وراكوأدري العذر طبعا ً قولتك سفه
المس أي بيت لتحديده، ثم شاركه كصورة أو انسخه.