١
صباح النور ياورد ٍ زما في غصنه الممدودصباح النسمة اللي في شذاها ريحة الجوري
٢
صباح الفل ياغصن ٍ تلاعب به هبوب النودصباح الحب يابدر ٍ زها من شدًة النوري
٣
صباح الطير ذا غرّد بلحنه والعباد رقودصباح المهرة اللي تنعسف والشعرمنثوري
٤
صباح الذوق يا طلعت رضيع ٍ توها مولودتغشّاها بوجنتها جمال الزين والحوري
٥
صباح الورد ياقطرة ندى حطت على العنقودوهّلت دمعها فوق أخضر الأوراق معصوري
٦
صباح الخير ياشمس ٍ بدت بين الغيوم السودكما عذراءً زهت بحجابها والجسم مستوري
٧
أنا جيتك وأنا كلي وله بالخافق الموعودبتعذيب الفراق وكلمتين ٍ تجرح شعوري
٨
أبا أصبّح عليك بريحة الكادي ودهن العودصباح ٍ بالذهب في صفحة التاريخ محفوري
٩
أروّض قلبي اللي في غرامك باذل ٍ مجهودوأهّدي ثايرالعبرة حسب عرفي ومقدوري
١٠
كفاني ماجرالي من تباريح الغلا المجحودسهر ليل وشقا عين وطوال الوقت مقهوري
١١
على هاللي حصل واللي بيحصل من عذابي زودأقول ن الصبر طيب ولوهو زاد مخسوري
١٢
فراقك هم تبكيه العيون وخافق ٍ ملهودوقربك عيد لى منه حصل لي صرت مسروري
١٣
عذابي من عيون ٍ رمشها في حده المحدودأشوف الموت ذاأغضت داخل النظرات محشوري
١٤
ألا يافتنة العشاق ية ربي المعبودتجلت صنعته وأثني عليه الحمد مشكوري
١٥
أحبك يشهد الله والليالي والنجوم شهودأخاف الحب يظهرني لامن زاد عن طوري
١٦
عليّه حلف لوشافك غرير ٍفي المهد ممهودنطق لك يذكرالله من جمال ٍٍفيه مبهوري
١٧
ولوشافك قمر شوال ليلة عيده المعهوديغيب ويجبر العالم تصوم اليوم بالزوري
المس أي بيت لتحديده، ثم شاركه كصورة أو انسخه.