١
البارحة سهرٍ، وادير التفاكيرفي ذمّ نذلٍ بادي بالعيارة
٢
لا طالبٍ دمٍّ.. يبي له مشاويرحتى نعذره لو طلبنا بثاره
٣
ولا صان عرضه لو بوسط الدواويرولا هو بـ يطلبنا بقايا تجارة
٤
بلا ذنب أركى في قفانا مشاغيرواشوف ناظرنا بعين الحقارة
٥
حنّا هل الوادي، وحنّا المناعيروحنا ودينا جارنا من جداره
٦
يشهد لنا «جريس اليماني» بتفخيريومٍ عن اهل الديّن محدٍ أجاره
٧
خطلان الايدي.. كالأسود الهزابيرمقابسٍ للحرب، وان شبّ ناره
٨
ما حدّرت «وديان بيشة» مياسيركلّ اليمن بالسيف نملك دياره
٩
عن مجدهم: إنشد بني يام ومطيروانشد جماجم روسهم عند «وارة»
١٠
منداتهم يشبع بها السبع والطيربيومٍ تغبّت شمسها في نهاره
١١
حريبهم لو صار دونه نواطيرلابدّ ما يفجا صباحٍ بغارة
١٢
خذ ما تراه، وخلّ عنك الخماكيرمن شقّ جيب الناس شقّوا وزاره
١٣
ترى ذهاب النمل سعيه بتطييرخذ راسها يااللي تجشّمت قارة
١٤
عن قولتك «ولد حسن» نسل صنفيرالغير كرعانٍ، وجدّه فقارة
١٥
شيخٍ نشا ما داس عرضه بتصغيرولا قيل يومٍ لدّ عينه بجاره
١٦
جدّه نحا جدّك عن العرض والنيرحدّرك يمّ الشط تاكل صباره
١٧
خذ الصحيح ان كان قصدك معاييرالعيب من ذرّ الخمر، والحجارة
١٨
ويمناك تقصر عن فعل نيّة الخيرومن المراجل.. ما ذكر بك نمارة
١٩
حمراك ما ذكرت تلاقي المشاهيرومقمطرة بالسفح تبغي النيارة
٢٠
لو انت في حصنٍ رفيع المقاصيرتنير وسط الليل.. يا هي نيارة
٢١
من طلعتك سهمتك: رقصٍ وتسطيروبالعون ما بك عقب شعرك تجارة
٢٢
تفخر بسلطان العرب وانت من غيرما مفخر البزّون ليث المغارة
٢٣
تدري بجدّك من مقافي بقاقيرأقبل، وحطه «مقرنٍ» في جواره
٢٤
خلاّه بالخدمة بدار الخطاطيرومن عقب ذا داره برسم العشارة
٢٥
ولفّاك «تركي» يوم جيته بتزويرمن أصّلك ثم اطلعك في نهاره
٢٦
واقفيت تشتم للصفرّات والبيروتقول: عودٍ جيّتي له خسارة
٢٧
واقبلت من نجدٍ تباري الحدايرومن عقب ذا.. ما شفت خضرة دياره
٢٨
لو انت منهم: ما رضوا لك بتصغيرعند القبايل مظهرينٍ وقاره
٢٩
يا عبيد جدّ امك يفحّج على الكيرأصله من صليبٍ يدقّ الصبارة
٣٠
شطرٍ بصنعه للحذا، والمساميرودقنه خلاص الكير اكلّه بشراره
٣١
عيّنت «ثاقب»: أخذته بنت بنقيرشقحا بطين، وداخليها طهاره
٣٢
في وسط عانة: تسدي الغزل وتنيروزودٍ لاهلها بالحياكة تجارة
٣٣
يا عبيد: ابن عمك خواله بياسيروعينك عمت عن شوف عيبك، وعاره
٣٤
وان طعتني عن ذا السباع المظاهيرعندك.. «أخو مريم» تصلفط بداره
٣٥
«أبو صباحٍ»: ريف ركبٍ معابيرهو زبن مضيومٍ جلا عن دياره
٣٦
«جابر» لكم سدرة، وأنتم عصافيرلى ضيم عصفورٍ.. لجا في جواره
٣٧
يستاهل البيضا بروس المقاصيرواولاده اللي كلّ منهم نعارة
٣٨
يوم اظهرك يا عبيد من جمّة البيريكرم، وسامعها جزيته نكاره
٣٩
فان كان دارتنا الهبايب على خيرإلاّ... يجرّ بها ربابة وطارة
المس أي بيت لتحديده، ثم شاركه كصورة أو انسخه.