١
قال بن عمار من هرج ٍ بداهأبدع المنظوم من قلب ٍ صويب
٢
من كلام ٍ واحد ٍ لي قد حكاههاض مكنوني وأنا جرحي عطيب
٣
أبدي بسم الله وأرجيه برجاهمن رجا المعبود عمره مايخيب
٤
حامل ٍ الطير في واسع فضاهوسامع ٍ مشي النمل مع الدبيب
٥
من شكا حاله على ربه شكاهقابل الدعوات من عبده قريب
٦
مابكل ٍ بيصيد اللي رماهحتمال الرمي يخطي أو يصيب
٧
وما نزكيّ أحد ٍعلى الله في َخَطَاهياما صاد الفخ من طير ٍ وذيب
٨
عشت حب ٍماذكر في هالحياةوثر مالي في الهوى حظ ونصيب
٩
مخاوي ٍ سرحان في رجم ٍ رقاهأسحب الوناّت مالي من مجيب
١٠
حبها في القلب مدري عن مداهمن سببها شبت من قبل المشيب
١١
الهوى من عقبها ماله طراهوالحياة اللي بلاها ماتطيب
١٢
زولها يطري عليّ وسط الصلاةوصوتهاعن مسمعي عيّا يغيب
١٣
وعذاب اللي هواها قد رماهعايش ٍ من بين ربعه كالغريب
١٤
نورها اللي مثل بدر ٍفي دجاهأو كما برق ٍ من أطراف الشعيب
١٥
يجهر اللي مستخيل ٍ من ضياهمن نظرها قال ذا شيء ٍ رهيب
١٦
بلحظها اللي وصل حدّي منتهاهسهمه القتّال من نظرة يصيب
١٧
والشعر منثور زاهي في بهاهايتهلهل سابح ٍ مثل السبيب
١٨
لو أعددّ ماحوى حسن الفتاةماهقيت ن القوافي تستجيب
١٩
بأكتفي باللي ذكرته من صفاهخايف ٍ هرج العواذل في الحبيب
٢٠
مايطيب الجرح من شيء ٍ دهاهومايداويني علاج ولاطبيب
٢١
غير منهي غاية القلب ومناهالدواء بسلوبها شيء ٍ عجيب
٢٢
تسعف القلب المولع من شقاهمن هواها صاير ٍحالي صعيب
٢٣
ويستريح القلب من زايد عناهويستريح البال من فكر ٍعصيب
٢٤
وتهنّى بشوف معسول الشفاهوأشكر الله خالق الكون الرحيب
المس أي بيت لتحديده، ثم شاركه كصورة أو انسخه.