١
كنت ضيف ٍ بالحفل سارح بأفكارٍ عديدةأتنقل بالنظر والبال مشغول ٍ بهمّه
٢
واقف لوحدي أهوجس وارمق بنظرة بعيدةمرة أمدح في الزواج وعشر مرات ٍ أذمّه
٣
اخترق سمعي بكاء طفل ٍ على شيء ٍ يريدهوانقلب لوني وجسمي من شحوبه جف دمّه
٤
طار قلبي يوم قفاّ يمسح الدمعات ب يدهبعبرة ٍ مكتومة ٍ حطت بوسط القلب غمّه
٥
هلتّ دموعي تسابق من على خدي بديدةواندفعت بلا شعور ٍ متجه صوبه وأخمّه
٦
قلت له لو كان تسمح مطلبك ممكن تعيدهيوم كرر مطلبه مخزون عيني فاض جمّه
٧
نتهض في داخلي رغم المعاناة الشديدةباقي إنسان ٍ تداعى من جروح ٍ مستسمّه
٨
صرت في دنياي هايم عايش أحلام ٍ سعيدةيوم قرّبت أحتفي بمعانقة وأبكي وألمّه
٩
وانتشيت بريح طيب ٍ شب في قلبي وقيدةيوم جت كفه بكفي والعطر أصبحت أشمّه
١٠
قالوا الناس اللي حولي هذي علوم ٍ جديدةكل ها للي صار بأسباب الطفل يومك تضمّه
١١
قلت والله الطفل عذر ٍ تدبّر به مكيدةمع بقايا عطرها اللي عالق ٍ بأطراف كمّه
١٢
وكان تبغون الحقيقة للمعاناة الأكيدةفالحقيقة ماذبحني غير شمّة ريحة أمّه
المس أي بيت لتحديده، ثم شاركه كصورة أو انسخه.