١
مثل الجبل راسي ولا هزّني الريحقدام من بعيون طبعه يرى الناس
٢
علم ٍ كسبته من رجال ٍ طحاطيحعلى النقاء خذته من الرأس للرأس
٣
اللي يدسّم شاربه بالمفاطيحماهو بمثل اللي شفاياه يبّاس
٤
وكم قلت أنا لأهل العقول المشافيحأهل النمايم بين عاذل وبلاّس
٥
الطيب شيمة في الوجيه المفاليحلاهوب لايوزن ولاهوب ينقاس
٦
ومحدٍ يجيبه بالرخص والتصاريحكل ٍ على مجناه والعرق دسّاس
٧
لي مدة ٍ بنات فكري مساريحمتعومس ٍ الري والفكر محتاس
٨
بالصاحب اللي ماشترى للمصاليحعرفي ولاأرخص حبنا عدم الأجناس
٩
حب ٍ نشأ من موجعات التباريحمدعوم بأركانه ومبني على ساس
١٠
للي بصدره مثل طلع التفافيحلى نهصر قده كما هزعة الس
١١
مطلق على المتنين شقر ٍ مداليحكل ماتثنّى ياردن روس الأطعاس
١٢
والخد يكسر نور كل المصابيحناصع بياضه مثل مصبوب الألماس
١٣
وبيض الثنايا مثل نظم المسابيحوغضيض ورد ٍ داخل الفاه غرّاس
١٤
لى طرالي قمت مفجوع وأصيحياردني بهاجوس ويصدر بهوجاس
١٥
وأفزّ مع طاريه وأقوم وأطيحولاجيت أبا أشرب شفت له طيف بالكأس
١٦
وأقول لأصحاب القلوب المجاريحبحر الهوى ياما غرق فيه غطّاس
١٧
ومن هاب في مرقاه عالي المطاميحيقضي حياته تحت الأقدام منداس
المس أي بيت لتحديده، ثم شاركه كصورة أو انسخه.