كلمات أغنية يقولون ماترقد
يقولون ماترقد وانا اقول وين النوم
ولا يهتني بالنوم من غاب مضنونه
انا اجاوب الونات والقلب فيه اهموم
وانا اخفي ونيني خوفي الناس يوحونه
انا لي وليفٍ كل ربعه غدا لي قوم
وانا لا بغيت اجيه رديت من دونه
انا لا بغيت اجيه مالي عليه اسلوم
وهو لو بغى الجيه حبيبي يردونه
احبه ولو اني من مشاهده محروم
عسى من حرمني منه ماتبصر اعيونه
الكلمات لأصحابها، ونذكر الشاعر والملحن والمطرب. هل أنت صاحب الحق؟ اطلب الإزالة ونحذفها.