كلمات أغنية غض النظر
غض النظر طاف موعد نظرة اعجابك
طالت ولا حركت ذره من احســاسي
أغليك لكن شعور مات باسبابك
ماظن تحييه نظرة منك يالقاسي
ماعاد بك شئ يغري ريح أعصابك
كنك غريبٍ أشوفك بين جلاسي
قبل أمس ادور بلهفه رعشة اهدابك
لا حل طاريك توقف لجله أنفاسي
كم مرةٍ جابني شوقي إلى بابك
وارجع حزين تسابق خطوتي ياسي
كم مرةٍ خافقي للناس هذرابك
من واهج الشوق طول الوقت منحاسي
يوم الهوى صابني وشلون ما صابك
وشلون تضحك وأنا ابكي منك يا ناسي
شفت الزمن كيف غير شوقي وجابك
لحد عيني تبي ذرة من احساسي
الكلمات لأصحابها، ونذكر الشاعر والملحن والمطرب. هل أنت صاحب الحق؟ اطلب الإزالة ونحذفها.