كلمات أغنية كنت فين
كنت فين وأنا فين جيت لي منين
والأيام دي كانت غايبه عني فين
نظرة عين فايته القلب وفيه جرحين
من حلاوتهم قلت يا ريت كان لي قلبين
كنت فين
قلبي وقلبك كانوا بعيد .. عمر ما كان بينهم مواعيد
يوم ما قابلتك كان يوم عيد .. شفت أنا حلمه من سنتين
وكلام ساعتين .. فات في دقيقتين
وقالوه نوبتين قلبين وروحين فين
كنت فين
كلمة اتقالت وأنا رديت .. لحن اتغنى وأنا غنيت
رحت أسأل عن حالي لقيت .. وتر القلب انقسم اتنين
وكلام ساعتين فات في دقيقتين
وقالوه نوبتين قلبين وروحين فين
كنت فين
أول مرة قابلت هواك .. كنت نسيت كلمه وياك
أنا دلوقت شايفها معاك .. هاتقولها لي امتى و فين
ده كلام ساعتين فات في دقيقتين
وقالوه نوبتين قلبين وروحين
كنت فين
الكلمات لأصحابها، ونذكر الشاعر والملحن والمطرب. هل أنت صاحب الحق؟ اطلب الإزالة ونحذفها.