كلمات أغنية نوع من البشر
في نوع من البشر يخطي واذا الموضوع عدى
للاسف ما يستحي بالعكس يزداد التمادي
ويستفزك لين تغضب وان غضبت يقول اهدئ
ما كانه مستفزك الف مره وانت هادي
ويجبرك تخطي عليه ولا حصل هالشئ يبدا
يتهمك انك جرحته جرح ابد ما كان عادي
وتقعد تحاسب ضميرك بعد ما تخطي
والاجدى انك توجه ملامك للذي بالجرح بادي
تعتذر منه بلطف ويحسب انه فيك اقدى
وانك بدافع ندم مديت له بيض الايادي
وانت عند الله تدورها وهو مهما تردى
يشعر انه دوم صح وراعي اخلاق ومبادي
شفت هالنوعية من الناس يا ابن الناس تفدى
ظفر رجلك بس حقق يا بعد راسي مرادي
لا تصير ارجوك منهم واتبع وياي مبدا
اتقي شر الحليم وكف عن بعض التمادي
الكلمات لأصحابها، ونذكر الشاعر والملحن والمطرب. هل أنت صاحب الحق؟ اطلب الإزالة ونحذفها.