١
يا مادح الأنذال مدحك خسارةوراك ما تمدح هل الفضل والجود
٢
اللي يشوفون المدايح تجارةواعراضها ماحشها علم منقود
٣
لا تمدح اللي جالها المدح عارهلا وارثه ابوها ولا هو بمعدود
٤
جدّه وابوه يحلِّبُون الوبارهويدوِّرُون التمر في مقلع العود
٥
لو جبت له منظوم طول المنارةومسطرة بالمسك واقلامها العود
٦
ضيعت مدحك في حصيني مغارهزاده من الفيران والنمل والدود
٧
ان الردي لو تضربه بالحجارةوالا مطارق شوك وسلاح محدود
٨
جنبه متين ولا يخاف المعارةولا يعرف البيضا ولا يعرف السود
٩
والحر دايم يحترك با لإشارةيفزّ مثل الزّند لي قدح بارود
١٠
رجّال يسوا له ثمانين حارهورجّال ما يسوى ولا عظم عجرود
المس أي بيت لتحديده، ثم شاركه كصورة أو انسخه.