١
حبيبي من هو غيرك قد عشق فكرهطيف وخيال ونحولٍ يكسر الخاطر
٢
ما حذرك عاذلك من غيه وسحرهما قال قلبه خراب وموسمه باير
٣
لا بر في دفتره لا شهد في حبرهلا ضي في غربته متبعثر وحاير
٤
كني سمعتك وكل العين منتثرهدمعٍ صرختي ما بين السيف والحافر
٥
لا تذبحونه ألم وأن طال به عمرهفاق بخياله جمال الماضي والحاضر
٦
اللى طعنتوه خلوا شبر في صدرهيلقى به العشق وقت يقيم ويسافر
٧
الكوكب اللي تقول الناس ياصغرهمن كثر ما هو بعيد وشوفهم قاصر
٨
لا تحسدونه خذا من خبزكم كسرهللجوع وأعطي شباب القلب والناظر
٩
اللي قليله قليل ٍ فاض من كثرهواللي كثيره قليل الجوهر النادر
١٠
اصابعه وان حسبتوا كلها عشرهاصابعه وان حسبتوا مالها آخر
١١
في كل ارضٍ حفروديناها ظفرهوفي كل صخر بياض عظامها نافر
١٢
كل ما انجرح شع نزفه واشتعل فكرهوكل ما بكى كل دمعه تولد بشاعر
المس أي بيت لتحديده، ثم شاركه كصورة أو انسخه.
القصيدة لـبدر بن عبدالمحسن، تُنشر بإذنٍ خاص. جميع الحقوق محفوظة لصاحبها.