١
إن قلت وش لونك؟ فلانيب بالحيلهمي كبير وداخل القلب علّه
٢
عيّا يرد الصّبح مسترسل الليلوعيّا يقوم الحظ من طيحةٍ له
٣
رجلي وغيري راكبٍ صهوة الخيلأشقى وغيري ياخذ الكار كلّه
٤
يابندر امزج فايح البنّ والهيلوبهّر بها يا بوك للكيف دلّه
٥
أبا اطرد هموم تلاطم كما السّيلكل ما بغى يدله فوادي تتلّه
٦
عجزت متوني وارتدم فوقي الشّيلوالرّجل جاها من حصا الدرب خلّه
٧
تمشي جروح الوقت في خافقي غيلوتلمع سيوف الضّيم في الوجه سلّه
٨
إن قمت طقّ الغار راسي من الميلوإن جيت أبا اقعد فوق جمرٍ وملّه
المس أي بيت لتحديده، ثم شاركه كصورة أو انسخه.
القصيدة لـخالد الفيصل، تُنشر بإذن من الشاعر. جميع الحقوق محفوظة لصاحبها.