١
بالعون (منيف ٍ) قالهْ ليترى غلاك يوم انت صبي
٢
و كذّبت (منيف ٍ) في قولهو تبيّن لي ما كان غبي
٣
شفت الشايب عند عيالهوامّ عياله مثل العْزِبي
٤
لو يطلبْهم ردّة لقمةقالوا مخْلي وش ذا الصّْلُبي
٥
كَلَوْا فَيْده وعادَوهعقْب التمسّك بالسّْبِبي
٦
فاحفظ مالك تجي غاليحتى يلاقونك بالعْتِبي
٧
حتى امّ عيالي زَهْدَت بينَسْيَت ْ زماني وطْرُبي
٨
أحْدٍ يقال له "لبّيه"و احد ٍ يقال له "وش تبي"
٩
واحسّ ظهيْري موجعنيمنقطع ٍ من حدّ حْقُبي
١٠
و هْجُوسي تسري في الليلخوف ٍ من موت ٍ بطْلُبي
١١
الدنيا عامرها دامرما فيها خير ٍ يا عْرُبي
١٢
صدّرْت و طويْت العِدّةو ياردها عقْبي من يبي
المس أي بيت لتحديده، ثم شاركه كصورة أو انسخه.